હોળીના રંગોને કારણે નહીં થાય સ્કિન એલર્જી - અજમાવો આ ઘરેલુ નુસખા

Holi 2025 હોળી એ રંગો અને ખુશીઓનો તહેવાર છે, પણ કેમિકલયુક્ત રંગોથી ત્વચાની એલર્જી, બળતરા અને શુષ્કતા થઈ શકે છે. જો તમે કુદરતી ઉપાયો અપનાવો, તો તમે ત્વચાની સમસ્યાઓથી બચી શકો. આ લેખમાં, અમે હોળી પછી ત્વચાની સંભાળ માટે સૌથી અસરકારક ઘરેલૂ ઉપાયો વિશે જણાવીશું.

આ હોળી માટે તમારે ચિંતા કરવાની જરૂર નથી. એવા ઘણા લોકો છે જેમને હોળીના રંગોને લઈને ઘણી સમસ્યાઓનો સામનો કરવો પડે છે. હોળી એક એવો તહેવાર છે જેમાં આપણે કશું વિચારતા નથી માત્ર રંગોથી રમીએ છીએ. આવી સ્થિતિમાં, જે લોકોને એલર્જી હોય છે તેમને ઘણી સમસ્યાઓનો સામનો કરવો પડે છે. આવો જાણીએ આ એલર્જીથી કેવી રીતે બચી શકાય.

હોળી દરમિયાન ત્વચાની પ્રોટેક્શન માટે મહત્વપૂર્ણ ટીપ્સ

હોળી રમતા પહેલા અને પછી ત્વચાની ખાસ કાળજી લેવી જરૂરી છે. નીચે આપેલા ઉપાયો તમારી ત્વચાને સલામત અને હેલ્ધી રાખવામાં મદદ કરશે.

હોળી પહેલા ત્વચાની તૈયારી

✔ તેલ લગાવો: નાળિયેર, બદામ અથવા ઓલિવ તેલ ત્વચા પર લાગવાથી રંગ સરળતાથી નીકળી જાય છે.
✔ સનસ્ક્રીન અપ્લાય કરો: ઉનાળાની ગરમીમાં ત્વચાને સુરક્ષિત રાખવા માટે SPF 30+ વાળું સનસ્ક્રીન જરૂરી છે.
✔ હળવા અને સંપૂર્ણ શરીર ઢાંકી શકાય એવા કપડાં પહેરો: લાંબા સ્લીવ્સ અને કોમળ કપડાં ત્વચાને સુરક્ષિત રાખે છે.

 

હોળી પછી ત્વચાની સંભાળ માટે ઘરેલૂ ઉપાયો

1. કાકડીનો રસ

✔ કાકડી સંવેદનશીલ ત્વચા માટે શ્રેષ્ઠ છે.
✔ એક ચમચી કાકડીનો રસ, ગુલાબજળ અને વિનેગર મિક્સ કરી ત્વચા પર લગાવો.
✔ 10-15 મિનિટ પછી પાણીથી ધોઈ લો.

      

2. ચણાનો લોટ અને મુલતાની માટી

✔ 2 ચમચી ચણાના લોટમાં 1 ચમચી ચંદન પાઉડર અને મુલતાની માટી મિક્સ કરો.
✔ તેમાં 2 ચમચી ગુલાબજળ ઉમેરી પેસ્ટ બનાવો.
✔ ચહેરા પર લગાવી 15 મિનિટ પછી ધોઈ લો – રંગ સરળતાથી નીકળી જશે.

      

3. દહીં અને મધ

✔ દહીં અને મધ ત્વચાને નરમ અને ગ્લોઈંગ બનાવે છે.
✔ દહીં 10-15 મિનિટ ચહેરા પર રાખી ધોઈ લો.

      

4. ઘઉંના લોટની બ્રાન (વીટ બ્રાન)

✔ 2 ચમચી ઘઉંના લોટમાં દૂધ મિક્સ કરીને પેસ્ટ બનાવો.
✔ 10 મિનિટ સુકાવી પછી હળવા હાથે ઘસીને ધોઈ લો.

      

5. એલોવેરા જેલ

✔ એલોવેરા ખંજવાળ અને બળતરા ઘટાડે છે.
✔ ફ્રેશ એલોવેરા જેલ ચહેરા પર લગાવી 15 મિનિટ રાખો અને ધોઈ લો.

      

6. ઘી અને નાળિયેર તેલ

✔ ત્વચા વધુ શુષ્ક થઈ ગઈ હોય તો ઘી અથવા નાળિયેર તેલ લગાવો.
✔ તે ખંજવાળ અને એલર્જી ઘટાડે છે.

      

7. ઓટ્સ વાળું પાણી

✔ ઓટ્સ પાણીમાં પલાળી તેને નહાવાના પાણીમાં મિક્સ કરો.
✔ આ એલર્જી અને લાલચટ્ટા ચાંદા ઘટાડે છે.

 

હોળી પછી ત્વચાની સંભાળ માટે ટોચની ટીપ્સ

✔ કેમિકલ યુક્ત ક્લેન્સર ન વાપરો, તેના બદલે કુદરતી ઉપાયો અપનાવો.
✔ ક્યારેય ગરમ પાણીથી ન ન્હાવો, તે ત્વચાને વધુ સુકું બનાવી શકે.
✔ મોઈશ્ચરાઈઝર અનિવાર્ય છે, ત્વચાને હાઈડ્રેટ રાખો.
✔ તળેલા અને પ્રોસેસ્ડ ફૂડથી બચો, હેલ્ધી ડાયેટ લો.

 

હોળી આનંદ અને રંગોનો તહેવાર છે, પણ તમારું આરોગ્ય પણ મહત્વપૂર્ણ છે. ઉપર જણાવેલા કુદરતી ઉપાયો અપનાવીને તમે કેમિકલયુક્ત રંગોના નુકસાનથી બચી શકો છો.

Note :

અમારા દ્વારા પુરી પાડવામાં આવતી માહિતી એ માત્ર અમારા નિઃસ્વાર્થ પણાના હેતુના આશયથી ઈન્ટરનેટ અને અન્ય માધ્યમ થકી માહિતી મેળવીને ફક્ત ને ફક્ત શૈક્ષણિક અર્થે લોકો સુધી પહોંચાડવાનો છે. માટે કોઈ પણ વસ્તુનું સેવન તથા કોઈપણ જાતની આયુર્વેદિક ઔષધી કે ઘરગથ્થુ પ્રયોગ કરતા પહેલા તમારા અનુભવી વૈદ્ય, ફેમિલી ડોક્ટર કે જે તે વિષયના નિષ્ણાંત ની સલાહ અવશ્ય લો.